KRALENDIJK – Suidadano Dani Feliz ta reakshoná riba loke Aliano Emerenciana a papia na Radio Live 99.9 FM, relashoná ku un situashon den Kaya Emerenciana. “Loke Aliano a papia ta puru mentira. Niun momentu tabatin bochincha na mi kas, situá den Kaya Emerenciana, dilanti di kas di Rainer. Si esei tabata bèrdat, polis mes lo a presentá i a tuma akshon di e situashon. Ta imposibel ku tabatin músika i baliamentu te 4or di mardugá, sin niun hende a yama polis. E asuntu di kònteiner, mi ta aklará loke el a bisa ku ta kousa porkeria i krio di bestia na e sitio. Ta trata di un kònteiner den kura di e kas kaminda mi ta biba i no ta stroba niun hende. Tur kos ta legal, esta un proseso pa yena e kònteiner i manda esaki Repúblika Dominicana. Mi ta lamentá ku Aliano Emerenciana ta aktua di e manera aki, sin rèspèt, menshonando si esnan konserní no tuma akshon, e mes ta aktua. Otro kos; dikon Aliano no a aserkámi pa papia i si ta bèrdat tabatin kos inkorekto ta tuma lugá, nos lo a atendé. Simplemente no tin nada ku ta indiká ku mi ta hasi algu inkorekto. Mi tin hopi aña biba na Boneiru i ta traha na bienestar di e lugá”, Suidadano Dani Feliz a bisa.    

Share This
error: Content is protected !!