KRALENDIJK – Djasabra último, NGO Platform Bonaire a organisá e di dos selebrashon di rekonosementu pa boluntarionan. Durante di e anochi aki un kuerpo di hurado konsistiendo for di diputado Nina den Heyer, Evert Piar i Guillaume Martiszoon, tabata tin e tarea difisil pa a skohe e boluntario di aña 2020 for di 11 nominado nominá pa 11 NGOnan.

E huradonan a hasi nan selekshon basá riba e argumentunan ku kada NGO a hasi di nan nominado, pero tambe a base di e splikashon ku e 11 nominadonan mes a duna e anochi aki.

Pues na fin di e anochi señora NGO Platform Bonaire Crispina Anselma Cicilia – Janga (Yùfrou Chèmi) a keda skohé komo boluntario di aña 2020.

Yùfrou Chèmi ta boluntario na Mangazina di Rei i e tin un pashon pa konservá e historia i kultura Boneriano.

Pa e okashon aki Diputado Nina den Heyer a hiba palabra I e a splika ku boluntarionan ta hende komun i koriente, pero ku un kurason ekstraordinario ku ta hasi un diferensia i impakto ku ta pa bida largu. Den Heyer a sigui bisa ku boluntarionan ta planta simianan chikitu di amor den diferente kurason.

NGO Platform ta felisitá Crispina Anselma Cicilia – Janga (Yùfrou Chèmi) ku e nombramentu aki i ta deseá yùfrou Chèmi hopi forsa pa sigi yuda konserva nos herensia kultural.

E otro nominadonan ta:

1. Barracudas Aquatic Club Bonaire – Riemkje Dijkstra

2. Dance Sensation Foundation – Michiel Berssenbrugge

3. Fundashon Cocari -Marjolein Finies

4. Fundashon Krusada – Ricardo W. Hovel

5. Fundashon Kuchara – Fransyella Altagracia Janga

6. Kiwanis Club of Kralendijk – Hermine (Mimi) Dongen

7. Krus Kòrá Bonaire – Raul Ortega Osmo

8. Sea Turtle Conservation Bonaire – Sue O’Brien

9. Sportvereneging La Fama Veterano – David Sixto Molina

10. Stichting Mangazina di Rei – Crispina Anselma Cicilia – Janga (Yùfrou Chèmi)

11. STINAPA Bonaire – Scott Gilchrist

Share This
error: Content is protected !!