KRALENDIJK – E área dilanti aeropuerto Flamingo ta duna un bista mahos. Palu i mata di sumpina a krese na e sitio (no organisá), loke ta krea un bista ménos bunita. Ta importante pa mantené e área dilanti di aeropuerto na òrdu. Esaki debí na momentu un turista bishitá nos isla for di eksterior, e ta tuma nota di algu ku no ta duna un bon impreshon di e isla. Esei ta loke por tuma nota di dje, nèt na entrada di aeropuerto Flamingo. Spera esnan konserní tuma nota di e situashon i hasi e parti di mantenshon, pa asina hende por mira i hasi uso di e bankinan ku tin na e área, den tur trankilidat. Tin un yuana trahá pa saka potrèt na e sitio i esaki práktikamente a disparsé den e mondi ku ta kresiendo na e sitio ya menshoná. Aparte di no ta mantené e área aki, tin falta di iluminashon anochi tambe na e sitio i riba e sitio di stashoná outo kompletu di aeropuerto. Potrèt ta ilustrá kon e sitio ta.  

Share This
error: Content is protected !!