KRALENDIJK – Kaya Monseigneur Niewindt na altura di Garashi Polo i Regatta Residence den e bario di Tera Kòrá ta otro kaya ku ta rekerí atenshon. 2 pa 3 siman pasá ku áwaseru a kai pa algun dia tras di otro, a kousa hopi molèster ku kamindanan ku a deteriorá poko mas di loke nan tabata. No mester bai den detaye ku un kantidat di kaminda na Boneiru ta den mal estado. E yobida fuerte resientemente, a pone ku e situashon a bira mas pió den algun dia. Gobièrnu a tuma desishon rápido i ta notabel ku a kuminsá drecha algun kaminda ku urgensia. Hopi ta remarká ku mester hasi algu tambe na Kaya Monseigneur Niewndt. E kaya ta será ya pa algun siman ku barikada debí na buraku hundu ku tin den e kaminda. Durante yobida te asta outonan a keda pegá den e burakunan hundu ku awa. Spera ku a tuma nota di e situashon i atendé p’asina usuarionan por hasi uso di dje pa yega nan kas òf di nan kas pa otro sitio. 

Share This
error: Content is protected !!