KRALENDIJK – Djamars tabatin Santu Sakrifisio di misa na parokia La Bírgen di Coromoto i diferente persona di bario Nort di Saliña tabata presente. 15 di desèmber, tabata e fecha ku ta selebrá dia di Nort di Saliña. E aña aki debí na e pandemia di CoViD-19 no por a organisá manera tan an kustumber. Durante predikashon Pader Alponsus Baak, a menshoná entre otro tokante un sitio special ku nan a deskubrí. “Awe ta dia di Nort di Saliña. Ta importante e orígen di e bario ward’é i pas’é pa e otro generashon, e balor pa yega na e historia. E pueblo original a lucha sin bèrgwensa. Boso tin e sanger di indjan. Ántes hende di Antriol no tabata bai Nort di Saliña.


Mi a lesa ku tin un spòt spesial kaminda tabata hasi orashon na dje den pasado. Mi ta serka di bai fo’i Boneiru, sino lo mi a kurashá hende di e bario pa sigui limpia den e bario i wak kiko mas tin. Ta trata di un lugá spesial ku por drecha, renob’é i den futuro e por ta un kapèl. Ta un lugá hopi bendishoná. Un lugá spesial ku hende por resa i trese bendishon. Ta trata di un sitio Banda di skol Amplio Papa Cornes na Nort Saliña/Nawati.  Aya tin un lugá religioso ku un krus den baranka, unda tabata kustumber pa bai resa ántes. (kisas for di tempu indjan?). E Idea ta pa lanta un kapèl aya dediká na Santa Krus.  Mi ta presentá e plan na pader Mark Hooijschuur, pa e sigui resa aya den futuro. E ta bai kontinuá ku misa na Atriol ora ami bai Kòrsou. Mi ta laga material pa hasi parti di trabou. Mi ta deseá pa e nòmber di e sitio ta; Triunfo di Krus. ‘Fundashon Nawati’ pensa i huntu ku otronan realis’é. Ora mi bin fakansi na Boneiru mi ke mira algu a sosodé.” Mi ke finalisá bisando: ”Ta importante pa trese kas nobo den bario Antriol i Nort di Saliña. Trese un bida nobo den e barianan”, pader Baak a bisa. Kor ‘Mishoneronan di Pas’, a animá e santu sakrifisio di misa.

Share This
error: Content is protected !!