Kralendijk – Aña 2020 tabata un aña ku hopi reto i hopi kambionan, dor di Covid 19. Tur hende, mundu den su totalidat di un manera òf otro a wòrdu konfrontá ku e pandemia aki, AFBW tambe, pero ku bosnan sosten i konfiansa nos a pasa den esaki i sigui ku e trabou i ku awe nos por bisa ku nos a logra esaki nan ku éksito. Mirando ku pa e situashon nan di Covid 19, AFBW no a logra tene su di dos reunion general pa tur su miembronan, pero esaki no a stroba AFBW di tene bo informá di tur e puntonan ku a wòrdu lográ den aña 2020.

· AFBW a kuminsá aña 2020 ku un total di 240 miembro, esaki a krese i bira un total di 450 miembro.

· AFBW a introdusí su tarheta di miembresia, komo e promé sindikato aki na Boneiru.

· 11 shopsteward i/òf miembronan a sigui e kurso di lei Laboral BES 2000 ku éksito.

· Miembronan di AFBW por disfrutá di tremendo deskuento ku nan tarheta di miembresia, por uza esaki na 24 establesimentu.

· Na luna di mei a logra likidá “Stichting Recreatie Centrum AFBW”.

· Dia 28 yüli 2020 AFBW ta logra renobá su statuto despues di 53 aña.

· AFBW ta introdusié su reglamentu di kas nobo dia 20 desèmber 2020.

· AFBW a kuminsá na honrá e promé miembronan honorario konforme su statuto.

· AFBW a sigui ku un otro proyekto, ku ta miembronan individual, tur trahadó por bira miembro di AFBW.

· Durante henter aña a realisá diferente trabou nan di renobashon na e kas sindikal.

· AFBW a manda un karta pa “Tweede Kamer” i ku resultado positivo.

· AFBW a kuminsá ku un programa na radio emisoranan pa por informá e klase trahadó “Bo deber versus bo derecho laboral”.

· AFBW a duna diferente asistensia pa ku e lei Laboral BES 2000 i tambe intervení den konfliktonan laboral.

· AFBW a partisipá den tur su reunionnan mensual di Union Sindikal Boneriano (USIBO) i tambe na e diferente reunionnan di “Centraal Dialoog Bonaire” (CD).

Na final di aña a traha un jingle di fin di aña ku e diferente logronan. Tur esaki ta danki na abo komo miembro, sin abo komo miembro esaki lo no tabata posibel. Si no tin miembro no tin sindikato, un sindikato sin miembro no ta un sindikato. Den 2021 AFBW ta bai sigui ku su metanan i sigui krese komo sindikato i traha na bienestar di abo ku ta miembro. “Kompañero nan den lucha, den union tin forsa”

Share This
error: Content is protected !!