KRALENDIJK – Hulanda a drenta un periodo di ‘lockdown’ ku un durashon di 3 siman. Esaki ta loke promé minister di Hulanda, Marc Rutte, a bisa resientemente durante un konferensia di prensa. A bin diferente pregunta den su direkshon entre otro dikon no ta sera aeropuerto, pa hende drenta i sali na Hulanda. El a menshoná ku esei ta difísil, mirando si un hende tin ku topa un otro miembro di famia ku ta biba pafó di Hulanda. Meskos ta e kaso pa loke ta trata e parti di karga. Pa loke ta trata biahamentu pa plaser, ta mal eskoho pa awor, Mark Rutte a bisa. Esnan ku tòg ta kere ku nan por hasi un biahe di plaser awor, nan ta un hende a-sosial. Mi ta spera tur hende ta komprondé i mas bien koperá. Mi ta konsehá un hende pa no plania i reservá fakansi pa por lo pronto. Warda te na luna di mart i dependé e situashon, por bia pa plaser, Mark Rutte abisa. E ‘Lockdown aktual ta dura te 9 di febrüari.     

Share This
error: Content is protected !!