KRALENDIJK – Habitantenan di Bario Karañito ta pidi yudansa di instansianan konserní. E yudansa ta pa e krusada T di Kaya Monseigneur Nieuwindt i e kaya ku ta sali for di Bario Karañito. Nan ta puntra si ‘kapploeg’ no ta eksistí mas? E kaya ta serando ku mondi i na e krusada menshoná, no tin bista riba tráfiko ku ta riba Kaya Monseigneur Nieuwindt. Momentu ku un shofùr mester sali for di Bario Karañito, debí ku e no tin bista bon riba Kaya Monseigneur Nieuwindt, e ta krea un situashon di peliger. Outonan ta kore ku velosidat poko haltu riba Kaya Monseigneur Nieuwindt, loko por resultá den un desgrasia. Hanchi di dos outo a bira pa solamente unu. Hende grandi i mucha ku ta kana na pia, tin ku kana riba kaya komo ku no tin espasio pa kana na banda di kaminda. Ademas tin hopi sushi tirá den e mondi aki ku ta kousa bruimentu di sangura i mas. Riba potrèt e situashon na e krusada i e kaya serando ku mata.  

Share This
error: Content is protected !!