KRALENDIJK – Pa biaha pa Boneiru mester tin un prueba di PCR tèst ku ta negativo. Esaki ta mará awor den lei loke gezaghèber Edison Rijna a bisa resientemente. “E lei di medidanan di CoViD-19 a kambia for di siman pasá. E PCR tèst ta obligatorio i mester ta negativo pa drenta Boneiru. Loke si a keda manera ya tabata e kaso ta e parti di karentena. Na banda di PCR tèst, a krea un tèst antigéniko. Esaki ta pa hendenan ku ta bishitá Boneiru for di paisnan di riesgo haltu manera Inglatera, Sur Afrika, Brasil i otronan. Loke no ta den e lei ta e hende ku yega Boneiru sin un ‘PCR tèst’; nos no tin un base legal pa obligá nan pa bai den karentena. Un persona ku yega Boneiru ku su mes boto òf avion privá, no por obligá nan bai den karentena konforme medidanan Ministerial Hulandes. Pa motibu di e ordenansa di emergensia, Boneiru mes ta kubri e gastu pa minimalisá e riesgo di entrada di CoViD-19.

Share This
error: Content is protected !!