KRALENDIJK – E agentenan di KPCN i Kmar ku riba dia 16 di yanüari último a skapa un sambuyadó for di den e laman brutu na parti nort di Boneiru, a risibí un sertifikado for di man di Gezaghèber Edison Rijna komo muestra di apresio pa nan empeño durante di e akshon aki. Nan a aktua rápido i determiná i hasiendo esaki a skapa un bida. Manera ta konosí riba e fecha enkuestion, algu promé ku 6:30 di atardi, sentral di polis a risibí notifikashon ku tabata tin dos turista ku a bai sambuyá na kosta nort di Boneiru den bisendario di Kunuku Arowak i un di nan so a regresá tera. Esun ku a yega tera a bati alarma ya ku su otro kompañero no por a subi kosta debí na olanan haltu i koriente di laman ku tabata hala. Den e área aki e olanan ta bati ku forsa kontra formashon di baranka skèrpi. I e formashon di baranka skèrpi nan aki ta kasi imposibel pa subi. Tres patruya, eksistiendo di 5 agente di BPZ i 2 trahadó di Kmar, kuerpo di Bombero ku ‘rescuewagen’, i ambulans a keda dirigí pa e sitio kaminda e turista a kuminsá splika outoridatnan na unda su otro kompañero ta. E trahadónan a evaluá e situashon na e sitio despues di kua, sin duda, a laga e sambuyadó landa bai na e formashon di baranka. A dun’e instrukshon kon pa, ku ayudo di e olanan, e por a subi e baranka i tene na dje. E ora ei algun agente a baha bai abou na e baranka pa a yuda e sambuyadó subi. Mester a aktua rápido komo ku e sambuyadó tabata kansando den e laman brutu. Trese e sambuyadó kantu den korto término a bira prioridat. A reskatá e hòmber turista di 45 aña di edat i a tresé riba kosta sano i salvo.

Na nòmber di Hefe di Kuerpo Jose Rosales tambe ta bai un palabra di gratitut na tur otro trahadó ku di un òf otro manera a kontribuí pa asina a hasi e akshon aki un éksito.


KRALENDIJK – De KPCN en KMar medewerkers die op 16 januari jl. een duiker hebben gered uit de ruwe zee aan de noordkant van het eiland kregen een oorkonde als waardering voor hun inzet gedurende deze actie. Ze hebben snel en vastberaden gehandeld hiermee is een mensenleven gered. Namens de Korpschef gaat ook een woord van dank naar alle andere medewerkers die op de één of andere manier hebben bijgedragen om deze actie tot een succes te maken.

Share This
error: Content is protected !!