KRALENDIJK – Fakansi di karnaval ta sigui normal apesar ku no tin aktividat i marchanan di Karnaval. Esaki ta loke Stichting R.K. Schoolbestuur Bonaire a informá Radio Live 99.9 FM. Karnaval hubenil 2021 mester a tuma lugá dia 6 di febrüari na Rincon i 7 di febrüari na Playa, manera ta e kustumber. Pues mañan mester tabatin karnaval di mucha den Rincon. Manera ta konosí, esaki no ta posibel e aña aki debí na e pandemia di CoViD-19. Karnaval grandi su fecha mester tabata dia 13 di febrüari na Rincon i 14 di febrüari na Playa (San Valentino). E dianan liber pa e muchanan ta sigui e djaluna despues di parada di mucha na playa, ku ta dia 8 di febrüari. E siman siguiente, despues di marcha grandi, muchanan ta liber di 15 pa 19 di febrüari. Esaki ta nifiká ku e fechanan aki ta keda dianan ofisialmente liber di skol, pues no tin skol. Ta bon pa tuma nota di esaki, kaminda den 2021 ta diferente for di añanan anterior, relashoná ku fiesta di karnaval i dia nan liber di skol.   

Share This
error: Content is protected !!