KRALENDIJK – Nadia Dabboussi, kende a kuminsá ku ‘Nos Toko’ a papia di su negoshi ku ta traha entre otro karchi ku mensahe na papiamentu. Banda di esaki tin flanèl i diferente otro kos mas.  

“Dia di Rincon 2018 e idea a nase, momentu ku mi tabata deseá di haña un blusa ku diferente kos di Rincon riba dje. E tempu ei solamente tabata posibel un flanèl ku bandera di Rincon. Aki e idea di ‘Nos Toko’ a nase. Ántes semper tabatin un bunita pintura riba e muraya di misa San Luis Beltran. Na momentu ku mi tabata deseá pa saka su potrèt, mi a ripará ku e no tei mas. Despues di buska riba internèt, mi a topa kuné. Asina mi a topa e pintura i hasi uso di dje. 2019 mi a prent e promé flanèl i 2020 mi a traha diferente kos mas. Debí ku e dia di Rincon no a tuma lugá, mi tin e kosnan wardá pa próksimo dia di Rincon. Despues mi a sigui ku e idea pa traha karchi relashoná ku dia di tata. Meskos tin pa dia di San Valentino. Mi a traha tres diferente i despues algun mas. Ta trata di karchi ku mi mes a diseñá i skirbi den nan. Ta posibel tambe si un hende tin un deseo, algu di su mes, mi por krea algu spesífikamente pa e persona. Karchi ta disponibel na: DA Drogist, Petals Bonaire, Aries Boutique, Meant To Be, Bon Vibe Adult Shop i Between 2 Buns. Tambe por hasi pedido na number di telefon 787-4500”, Nadia Dabboussi a bisa.  

Share This
error: Content is protected !!