KRALENDIJK – STRAF, ku ta sindikato di trahadónan di duana i piskalia, a presentá miembronan di e organisashon na Prensa.

Juan Lourens presidente di STRAF tabata na Boneiru spesial pa e okashon i a papia tokante e organisashon i metanan. Sindikato STRAF ta representá trahadónan riba islanan BES tambe. 1994 a lansa STRAF ofisialmente i tabata komo Antia. Tur kos tabata tuma lugá na Kòrsou. Despues di 2010 kos a kambia debí na e kiebro di antia. 3 pa 4 aña pasá riba dia di duana a bin bèk ku e idea i deseo pa trese bèk STRAF pa Boneiru, esta islanan BES.  For di desèmber 2020, STRAF a yega na e kriterianan komo sindikato pa defendé duana fuerte na Boneiru. Ta e di 5 organisashon sindikal pa representá entre otro trahadónan di RCN i den futuro trahadónan di OLB.

Trahadónan no ta bon sirbí na Boneiru. P’esei STRAF tei pa sirbi e trahadó. Nan mester mira nos aktivo. Nos no tei pa kita miembro di otronan. Nos tei pa yuda tur. Si un hende no ta sinti ku otro sindikato ta yuda nan bon, por aserká nos. STRAF ta situá na Kòrsou i den futuro serkano e grupo aki mester bai atendé esnan di STRAF BES. Pues e ta un grupo riba su mes na Boneiru huntu ku esun na Kòrsou”, Juan Lourens a bisa.  

Tambe a menshoná ku awor debí na e situashon di CoViD-19, ta informá miembronan pa medio di email. Sinembargo lo kontinuá asina i tin bes ta organisá reunion. Kada trahadó afiliá, por skohe e persona ku nan ta deseá òf sinti nan kómodo kuné ku ta forma parti di STRAF. Por manda email pa medio di bonaire@gmail.com.

E organisashon tin miembro na; Saba, Boneiru i Sint Eustatius den diferente sekshon. Nòmber di e personanan ku ta forma parti di STRAF na Boneiru ta: Desmond Trenidad, Jeritza Frans, Edsel Pieter, Michele Celestijn, Marklin Eustachia i Juan Lourens komo presidente. 

Share This
error: Content is protected !!