KRALENDIJK – E organisashon Storyline Production a organisá diferente charla pa e partisipantenan ku ta kompetí pa e sertámen di Miss Tourism Bonaire 2021.

Manera ta konosí, serka e organisashon no ta e partisipashon ta tur kos pero tambe e parti pa stimulá i duna informashon nan balioso pa ku e partisipantenan, pa asina nan por sigui desaroyá nan mes den nan bida profeshonal.

Sra. Roosje Van der Hoek a duna un charla ku tópiko importante, kaminda e partisipantenan a keda enkantá ku e charla aki. E charla a hiba di tópiko “Public Speaking”. Tur e partisipantenan a ekspresá nan mes i a haña e charla hopi interesante.

Un danki di kurason ta bai na tur e pèrsona ku a duna e charlanan ku sigur tabata hopi importante pa kada kandidata. Sra. Yatzury Daal ku e trese e tópiko di Emoshon i desishon kon pa hèndel ku esaki nan, Sr Angelo Davelaar di Kòrsou ku a hiba un ‘zoom workshop’ pa e kandidatanan ku tema Desaroyo personal, Ghislaine Monte ku a duna e charla di Bonaire Blue Destination, Rolando Marin di TCB ku a trese e charla Turismo, Marjolein Oleana” Business Manager” i Derchlien Vrolijk” Marketing Manager” di TCB ku e charla Bonaire su Turismo entotalidat, Sra Sharin Loozen ku a hiba e tema Kome Saludabel i Selimah Agostien di Unforgettable Makeup & More ku a duna lès di makiyahe básiko.

Segun e programashon falta e charla di etikèt di Sra. Tica Nicolaas i e charla di Kultura tresé pa Papito Thomas di Skal.

Kòrda ku por vota pa ‘Miss Tourism Internet Bonaire 2021’ riba e página di Facebook bou di e nòmber ‘Miss Tourism Bonaire’. Primi e boton di ‘Like’ riba e potrèt di e kandidata ku bo ta deseá pa sali ‘Miss Internet Bonaire 2021’. Mester ‘Like’ e potrèt ofisial di e kandidata riba e página di Facebook ‘Miss Tourism Bonaire’. No ta aseptá ‘like’ di potrèt di ‘share’.

E kandidatanan ta preparando pa asina nan por presentá na nivel den un tremendo espektákulo dia 13 di Mart 2021 próksimo.

Un show virtual ‘Live Streaming’ kuminsando 8:30 anochi via NosTV i Facebook di Live99Fm.

Share This
error: Content is protected !!