KRALENDIJK – E medidanan nobo ku a introdusí djabièrnè 5 di mart último, ta keda na vigor te ku djabièrnè 19 di mart pa 23:59 di anochi. Despues di 19 di mart ta bini selebrashon di Pasku di resurekshon. Ta un tradishon ku ta tuma liber e siman di Semana Santa pa entre otro kamper kantu di laman. Esaki no ta pèrmití e aña aki tampoko”, gezaghèber Edison Rijna a bisa.

No duna e vírùs chèns pa sigui plama. E medidanan akí ta pa protehá nos komunidat pa mas lihé posibel nos bolbe bèk na un nivel di riesgo mas abou. Ta keda pidi un i tur pa mantené na e reglanan básiko di higiena. Laba bo man regularmente ku awa i habon, tene un meter i mei di distansia, no mishi ku bo wowo, nanishi i boka i evitá di ta den grupo grandi. Asin’ei so por prevení ku bo ta pega ku e vírùs. Mi ta pidi bosnan koperashon den esaki, ya nos por bai un nivel di riesgo mas abou manera ta posibel”, gezaghèber Edison Rijna a bisa. 

Kualkier persona ku ke mèldu un sitio(nan) kaminda tin aglomerashon di hende, por hasi esaki na polis/KPCN via 717-8000 òf e liña di tep anónimo 717-7251. Si ta trata di un negoshi ku a kibra ku regla, durante ora di ofesina mester yama Direktorado Supervishon i Mantenshon di Lei di OLB (Directie Toezicht en Handhaving T&H) via 715-5300 i si ta trata un kaso di emergensia i tambe despues di ora di ofesina por yama 796-4850. Por manda emeil tambe na t&h@bonairegov.com

Share This
error: Content is protected !!