KRALENDIJK – E nivel di riesgo 5 tin konsekuensia tambe pa nos muchanan i grandinan. Skol básiko, nan akohida i akohida di mucha chikitu ta keda habrí. Mayornan ku ta bin trese òf buska nan yu, mester mantené 1.5 meter di distansia. Pa skolnan avansá i e alumnonan di skol avansá ku ta bai akohida, ta limitá e kantidat di alumno den klas i ta stimulá pa duna lès virtual sigun protokòl konosí pa skolnan. Pa nos grandinan ku ta bai un pasa dia, ta esunnan di emergensia so ta pèrmití pa ta habrí. 

Tin algun aktividat ku sí ta sigui den e temporada binidero. Entre otro e programa di bakunashon. A kuminsá ku bakunashon di personanan di 60 aña bai ariba. Esaki ta sigui. E hendenan ku ta bai tuma nan bakuna por bini kompañá pa un persona di konfiansa. Ta bon pa tuma e bakuna pa evitá ku e vírùs ta sigui plama. 

Djárason 17 di mart tin elekshon pa Tweede Kamer. Aki na Boneiru tambe por vota. E proseso aki tambe ta sigui, apesar ku nos a bai nivel di riesgo 5. Ta sòru pa por kumpli ku reglanan di corona. Ya tur hende por vota seif”, gezaghèber Edison Rijna a bisa.  

Share This
error: Content is protected !!