KRALENDIJK – Diputado Nina den Heyer a bisa ku apesar di e situashon fastioso ku nos ta den, esta e kantidat di medidanan aktual relashoná ku CoViD-19, ta importante pa bai vota. “Awe mainta mi a bai vota p’ami i 2 otro persona, asina evitá ku hopi hende mester presentá na urna pa depositá nan Voto. Mi ta konsehá si tin mas hende ku por hasi esei, pa yuda un otro persona lo ta hopi importante. Ta importante pa hasi uso di e derecho di voto awe. E elekshon aki ta pa skohe miembronan di Tweede Kamer i nos a mira ku tin diferente partido ku semper a para i duna di nan banda di medaya di nos islanan i mi ta kere ta importante pa bai vota. Nos ta un isla chikitu, sinembargo manera semper mi a bisa; un pieu ta chikitu pero e por fèrfelá bon. Mi konseho ta pa hasi uso di derecho di voto, asina duna señal komo isla, ku nos ke pa hende aya den Tweede Kamer ta duna nos atenshon”, diputado den Heyer a bisa.    

Share This
error: Content is protected !!