KRALENDIJK – Djadumingu 11 di aprel alrededor di 8:40 di anochi, notifikashon a drenta na warda di polis ku un aksidente di tráfiko a kaba tuma lugá riba Kaya Korona na altura di SGB. Pero tabatin indikashon ku no tabata trata di un aksidente di atenshon i mesora a dirigí CRS pa atendé. Punt’i as di un djip koriendo den direkshon pa Playa a kibra i pone ku su tayer di patras a sali i bai dal den porta patras di un SUV ku tabata moviendo direkshon Antriol. E vehíkulo no por a move mas i tabata motibu pa yama un kran pa tou e vehíkulo. Un kantidat di zeta a keda riba kaminda i mester a yama brantwer pa bin basha santu riba e zeta. No tabatin herido. Tráfiko a keda será i desviá pa un ratu pa asina por a atendé ku e aksidente.

Share This
error: Content is protected !!