KRALENDIJK – Stadion di Playa mes lo bira nos stadion internashonal di futbòl i no Fèlt Rudy Boezem.

Esaki diputado di deporte sr. James Kroon, a duna di konosé den un kombersashon kòrtiku ku nos tabatin kuné kuminsamentu di e siman aki.

E gastunan pa kombèrtí Fèlt Rudy Boezem na Nort’i Saliña den un Stadion Internashonal ta hopi haltu.

Pa motibu di e gastunan haltu, a skohe pa invertí esaki den Stadion di Playa mes ku lo sali muchu mas menos kostoso.

Pa motibu di e gastunan haltu, a skohe pa invertí e sumanan aki den Stadion di Playa mes, ya ku e stadion aki tin tur e fasilidatnan ku solamente tin ku keda renobá.

Lo drechá i renobá esakinan, tambe kambia e yerba artifisial i hasi e stadion di Playa unu internashonal ku ta kumpli ku tur e eksigensianan i reglanan di un stadion internashonal.

Ta di spera ku na momentu ku hasi stadion di Playa unu internashonal, ku lo drecha e sitio di stashoná outo i ku lo no pèrmití mas tur e lokenan ku ta duna mahos bista dilanti e stadion.

Aworaki banda di ku esaki a bira manera un haf di konteiner, a bira ku tin tambe ekiponan pisá i asta a bira manera haf pa drecha yatenan ku tin stashoná parti pabou ku ta duna mahos bista.

Ta di spera ku na momentu ku drecha e stadion, ku lo laga kita tur esakinan i laga e ‘parkeerplaats’ solamente ta stashonamentu di outo momentu di wega i otro aktividatnan na o den e stadion.

Share This
error: Content is protected !!