ELEKSHON PA DIREKTIVA NOBO DI FEBIBO POSPONÉ PA 4 DI MEI PROKSIMO

Written by on

KRALENDIJK —

E direktiva di federashon di biar di nos isla ku ta FeBiBo bou di presidensia di sr. Aaron Martis, a kambia e fecha pa reunion pa eligí un direktiva nobo pa e federashon.

E motibu ku a posponé e reunion di 24 di aprel pa 4 di mei 2021, ta debí na e situashon di covid-19 riba nos isla.

E presidente di e federashon, sr. Aaron Martis, den un komunikado pa prensa e siman aki, ta trese esaki na publisidat.

Di akuerdo ku sr. Aaron Martis, mirando ku nos a keda un nivel di riesgo haltu ku ta nivel 5, loke ta nifiká tambe ku no ta pèrmití pa aglomerashon di mas di 1 persona ku no ta di mesun kas, a posponé elekshon pa direktiva nobo di e federashon di biar ku ta FeBiBo.

A kambia e fecha di 24 di aprel pa djamars 4 di mei 2021, esei ta si e desishon di e “noodverordering” aktual ku ta te ku dia 29 di aprel 2021 keda suavisá.

E sitio i orario pa ku e reunion pa elekshon di un direktiva nobo pa e federashon si ta keda mesun kos.

Nos ta spera ku pa e fecha menshoná, e reunion i elekshon di un direktiva nobo pa e federashon lo tuma lugá ku sufisiente kandidato pa eligí un diektiva nobo.

Ta konosí ku e direktiva aktual a keda diferente temporada ya ku  no tabatin kandidatonan pa yega na un direktiva nobo.

Aworakí e direktiva kompleto a duna di konosé ku awó si ta basta pa nan, tin ku bini un direktiva nobo ya ku ningun di e miembronan aktual no ta re-eligibel.

Nos por a komprondé ku tin algun hóben biarista ku ke tuma over pa e federashon por sigui funshoná i tambe e deporte di biar di nos isla.

Nos ta spera sinseramente ku huntu ku e hóbennan aki, mas hóben tambe ta dispuesto di traha den e federashon na bienestar i adelanto di e deporte di biar di nos isla.

Share This

Current track

Title

Artist

error: Content is protected !!