KRALENDIJK — Manera ya ta konosí tokante e desaroyo nan riba diferente fèlt aki na Boneiru, awe tim di Live 99 FM a subi kaya i tuma nota ku trabou nan ta andando tantu na fèlt di ATC i fèlt di Chio Semeleer na Nort Saliña. E yerba artifisial na fèlt di Chio Semeleer ya kaba pa gran parti ta kitá, pa asina pone yerba artifisial nobo i tambe drecha algun kos na e fèlt di Chio Semeleer. Tin diferente trabounan ku tin ku tuma luga na e fèlt aparte di solamente e yerba artifisial. E porta prinsipal lo bai keda remplasá pa unu nobo, e nèt nan patras di gol tambe lo wòrdu kambia i tambe lo kambia e hèki nan ku ta den mal estado. Tambe nan lo bai drecha e gol nan i buta nèt nobo pa nan.

Esaki sigur ta un tremendo notisia pa e bario di Nort saliña i su habitante nan. Pronto nan lo kuminsa traha na Fèlt di Rudy Boezem of miho konosí komo Fèlt’i pabou.

Nos ta spera ku esun nan ku hasi uzo di e fèlt por kuida esaki, i tambe ku Gobièrnu a korda riba un plan di mantenshon pa tur fèlt aki na Boneiru.

Share This
error: Content is protected !!