DANNY ROJER A DIRIGI PALABRA DI DESPEDIDA NA TANJA DIREKTOR DI KAS FLAMBOYAN

Written by on

KRALENDIJK – Awe nos a bini serka otro pa selebrá y ala bes konsientisá lokual nos direktor di Kas Flamboyan Tanja Kokeltoren a hasi pa komunidat di Boneiru. 5.5 aña pasa Tanja a aserka mi ku un idea pa mi gui’é konkretisá su deseo pa lanta un Hospice pa komunidat Boneriano. Na inisio mi tabata un tiki skeptiko pasombra mi no tabata sa kon grandi e nesesidat tabata pa un Hospice na Boneiro. Tanja a premirá y tabata kombensí ku e nesesidat tabata grandi y ku esaki lo duna un gran kontribushon na komunidat boneriano Manera ta konosí hopi pashènt terminal bibando na Boneiru no ta den e disposishon pa tin e fasilidatnan den nan propio kas pa por duna e kuido nesesario den e delaster parti di nan bida. Den e 5 añanan Tanja e establesé un grupo di hende ku hopi motivashon y dedikashon pa yuidele konstruí en Hospice manera e ta dia djawe. P’esei mes tambe mi kier duna danki na e hendenan aki ku a yuda Tanja na su mishon pa establesé un Hospice pa komunidat di Boneiro. Esakinan ta Evelyn Betancourt, ex-presidente di junta direktiva, Theo Braeken tesorero y Jodeska Cicilia miembro di direktiva. A la bes mi kier duna danki na Giovanni Frans di Fundashon Mariadal, ZVK y VWS pa nan kontribushon ku a yuda Hospice Kas Flamboyan for di tempunan difísil. Ademas mi kier duna un danki special na e desena di voluntarionan ku a yuda y ku ta suigi yuida nos te dia djawe ku ta forma e fundeshi ku a por a konstruí e Hospice riba. Paso sin e voluntarionan Hospice Kas Flamboyan no por funshoná.

Tur e añanan ku a pasa tabatin un hende ku a sòru pa ku e kosnan tabata kana y esaki tabata Tanja. Tanja ku su dedikashon, perseveransha y forsa di boluntat e enkargá su mes di hasi un éksito di Hospice Kas Flamboyan. Pa sea korto sin Tanja lo no tabatin un Hospice dia djawe aki na Boneiro. Den e 5.5 aña ku a pasa Tanja tabatin masha hopi nochinan sin drumi pa ku su dedikashon y perseveransha pa yuda e residentenan den nan tempunan di krísis y guia e proseso di morto ku famia nan di e residentenan.

Tanja ta un duizenpoot ku a sòru ku tabatin alohamentu pa e Hospice, ku e voluntarionan a wòrdu rekluta, reunion nan a wòrdu organisá ku ZVK Y VWS y semper pero semper Tanja tabatin un orea pa skucha pa e residentenan, nan famianan y nos boluntario nan. Tanja lo laga un herensia atras ku e por ta hopi orguyoso di dje. E ta laga un organisashon atras ku 2 koordinadó bon forma, un grupo grandi di voluntarionan dediká, un junta di direktiva fuerte y p’ami esaki ta lo mas importante Tanja a kontribuí riba un manera hopi grandi na kuido di nos pashènt nan terminal pa komunidat di Boneiru. Masha danki Tanja!

Share This

Current track

Title

Artist

error: Content is protected !!