KOMUNIKADO DI PRENSA DI ARTHUR SEALY

Written by on

KRALENDIJK – Den mi último komunikado mi a skirbi ku lo bini un ola Kroon i no a dura mashá ku por mira ku aktitut di diputado Kroon ta mustra den direkshon di poder apsoluto ku ta un peliger pa demokrasia. Bonaire konosé kaso di taksi, di BHM, ku falta tratamentu, rosamentu di tereno pa menshoná djis eseinan i awor ta Rotònde ta e batata kayente. Pero nota bai kome e batata kayente ora pone riba mesa. Maske konsehal Abraham mustra riba e artíkulonan 170 i171 di Wolbes diputado Kroon ta mustra ku no ta e so ta responsabel pero ta henter Kolegio Ehekutivo. E pensamentu di diputado Kroon ta fásil. E mensahe di diputado ta dirigí na partidonan di koalishoni spesial na konsehal Tjin Asjoe ku si e mester baha ta henter Kolegio Ehekutivo mester bai kas. UPB no ta laga diputado kai, djis lesa e komunikado den kua ta elogiá diputado Kroon. MPB no por laga su eks miembro di Konseho Insular ku ta den R&Okaii no lubidá ku konsehal Tjin Asjoe a deklará ku e lo bolbe bira diputado. Koalishon ta kómplise den masakrá demokrasia parlamentario. Direktor nobo na R&O no ta sali liber den e labatiba di Rotòndei tin ku komprondé ku ta loke diputado Kroon bisa e tin ku hasi. E tin di averiguá dikon no a renombrá kontrato di e direktor ku a bai i dikon traspaso di dosié a tarda. Diputado Kroon ta dirigí R&O, Kolegio Ehekutivo i tambe partidonan di koalishon.Konsekuensia di esaki ta ku e poder di kontrolá Kolegio Ehekutivo a pasa pa istoria.James Kroon ta Direktor Tékniko, no solamente di UPB pero di henter Bonaire.

Arthur Sealy

Share This

Current track

Title

Artist

error: Content is protected !!