KRALENDIJK – Diputado James Kroon huntu ku representantenan di FFB i ATC a pone simbolikamente e prome parti di yerba artifisial riba e tereno. Esaki den kuadro di e proyekto di desaroyo di futbol kaminda e federashon madre di futbol (FFB) ta bin ta traha riba dje. Poniendo atenshon na e skarsedat di fasilidatnan pa e ekiponan por praktika e deporte i amplia e kantidat di fasilidatnan ku tereno di yerba artifisial.
Un proyekto ku konhuntamentu ku KNVB, gobiernu di Boneiru I ministerio di vws ku trabounan duru a logra yega asina leu ku awe por a mira resultado konktreto. Vise presidente di FFB sr Steven Cicilia a hiba palabra, tambe presidente di Atletiko tera kora I al final diputado sr James Kroon ku a elabora riba e trabounan ku a ser hasi pa awe por ta asina leu ku e yerba ta riba e tereno. Sr James Kroon a elabora ku durante negosashonnan a bini hopi Kritika I spekulashon rondo di e proyekto, pero al final ta e resultado ta konta.
Esaki sigur ta unu di aploudi kaminda e partidonan FFB, gobiernu di boneiru, ministerio di VWS I tambe KNVB a mustra di por traha huntu pa logra resultadonan konkreto. Ta di spera ku pueblo di Boneiru lo sa di apresia e trabounan ku a wordu hasi I sa di kuida e tereno aki.

Share This
error: Content is protected !!