KRALENDIJK — Despues di 7or awe nochi polis a risibi notifikashon di un situashon di hit & run ku a keda kousá pa un vehíkulo riba kaya Gilberto F. Croes. Na yegada a bin topa un boto mei mei di kaya i parti di su trailer kibrá. E hit & run aki a stroba trafiko sigur pa basta un ratu mirando ku mester a buska un fòrklift pa hisa e boto i tambe mester a buska un otro trailer mirando ku esun otro a kibra.
Despues di unratu e forklift a yega i a logra hisa e boto i pone bek riba e trailer i despues trafiko por a sigui. Esun responsabel pa e akto aki ya ta konosí, i dentro poko lo polis lo aktua pa sa e motibu ku ela sigui kore bai despues di e choke kontra di e trailer di boto.
Daño material tabata konsiderabel.

FUENTE: LIVE 99 FM

Share This
error: Content is protected !!