KRALENDIJK—Fin di siman ku a pasa tabatin aperturá ofisial di Omira’s. Ta trata di un lugá ku ta bende desayuno i kuminda mèrdia. Lu Allen Sint Jago ta e persona na kabes di e lugá. Banda di dje, su ruman Rashida Reyes Sanchez-Sint Jago, ta sostené den e negoshi. Promé ku a kòrta sinta di e lugá di bende kuminda, Alegandro Martinus, a hasi orashon dilanti di e negoshi. Entre otro el a pone énfasis riba e frase: ”Pidi lo bo haña, buska lo bo haña i 

esun ku pone Dios na promé lugá, lo logra den bida,” Alegandro Martinus. A menshoná ku a skohe e fecha dia di obrero i a dediká e apertura na Harold Sint Jago, un tio ku no tei mas. El a nifiká hopi pa e tereno kaminda awe ta Omira’s . 1 di mei ta fecha natal di Harold Sint Jago.

Despues a kontinuá ku desvelo di e bòrchi ku nòmber di e negoshi i kòrta sinta. Omira’s ta situá den Kaya Nikita 5E, pegá ku Flamingo TV.  

Share This
error: Content is protected !!