KRALENDIJK – Segun diputado Hennyson Thielman nos a pasa den un temporada difísil den último luna nan kaminda tabata tin hende na kas I hopi negoshi nan sera pa basta tempu, e preshon tabata haltu i hopi di e hende nan aki tabata dependé di kada entrada i di kada kliente ku ta drenta ta sòru pa entrada, i si e kliente nan no tei, e negoshante nan no tin e entrada pa paga nan mes i nan gastu nan fin di luna. Nos a haña hopi indikashon di hende nan ku tabata pasa den temporada difísil den ultimo luna nan ku nos tabata sera i awor aki e situashon ku nos a suavisá medida nan e ta yuda sigur i e hende nan por drai bek, pero nos no ta kompletamente kaminda nos mester ta i nos mester sòru pa vuelo nan merikano por yega Boneiru bek manera anterior i tambe e barku nan krusero, naturalmente tur esaki nan mester bai segun regla nan i esei ta lokual ku nos ta trahando riba dje awor aki, pa momentu ku nan bini nos ta kla pe i pa nos no haña nos mes den un krísis atrobe ku nos tin ku bolbe sera na Boneiru atrobe. E impakto di henter e krísis aki tabata i ta grandi ainda pa Boneiru su ekonomia i trahadónan. Pakolmo nos a haña nos ku un situashon di bopec tambe riba dje ku ta algu pa basta aña andando i e aña aki ela yega su final i a impakta bo ekonomia sigur i mi ta kere si ku ta bai tin mihó dia nan nos dilanti awor aki i sigur mirando kon bon Boneiru ta bayendo ku e parti di bakunashon i bo ta mira kuantu hende ta bakuna I Boneiru ta kana dilanti riba hopi pais riba e tereno aki i nos ta hopi leu i pa tiki tiki kuminsá sali foi e situashon aki pa yega bek na un situashon kaminda nos ekonomia por drai bek, mi tin konfiansa ei nan, di nos parti gobièrnu tambe nos ta bezig ta prepará pa invertí mas tantu posibel den diferente área pa krea trabou pa hende nan ku a pèrdè trabou durante periodo aki pa por tin tòg forma di entrada pa nan drai un temporada wardando nos ekonomia rekuperá kompletamente bek. Plenchi di trabou tin registrashon di tur hende ku a pèrdè trabou durante e periodo aki i nos ta krea trabou di parti gobièrnu ta krea esaki huntu ku nos BV nan i asina nos ta sòru pa krea trabou pa e hende nan ku no tin trabou den periodo aki pa tòg tin un entrada. Diputado Hennyson Thielman a duna di konosé na Notisia Live 99.9 FM

Share This
error: Content is protected !!