Entrante 7 di mei 2021 preis di kombustibel ta subi na Boneiru. Esaki ta nesesario pasobra preis di kompra a subi. For di yüli 2020 e tarifanan máksimo di kombustibel no a kambia. Espektativa ta ku den e periodo binidero e tarifanan lo sigui subi. Esaki ta bini prinsipalmente pasobra no a inkluí e asina yamá ‘Fuel supply guarantee’ (garantia di suministro di kombustibel) kompletamente den e tarifanan di luna di mei. E fasilidat aki ta e rekargo den preis di kombustibel komo konsekuensia di e situashon na e refineria na Kòrsou. Pa motibu ku na Kòrsou pa basta tempu kaba no tin un operadó, pero e refineria tin ku keda parsialmente operashonal sí pa e fasilidatnan di kombustibel di Kòrsou i Boneiru, e gastunan èkstra aki ta bini pa kuenta di e kombustibelnan aki. E rekargo aktual na Kòrsou ta 24,42 sen di dòler pa liter di gasolin òf disel. Na e momentu aki Entidat Públiko Boneiru ta investigando ainda kua rekargo mester kalkulá den e tarifanan pa Boneiru. Tambe Entidat Públiko Boneiru ta investigando te kon leu mester adaptá e márgennan na Boneiru.  For di e luna aki ta inkluí struktura di e tarifanan den e desishonnan pa loke ta trata tarifa. Pa kada komponente di e tarifa a duna un splikashon kòrtiku.

Aki ta sigui un lista di tur e preisnan di e produktonan di kombustibel manera stipulá pa  Gobièrnu di Boneiru konhuntamente ku Curoil i ku ta drenta na vigor 7 di mei 2021.

Preis por mayor                   

Mogas 95                                              117,18                       USDct pa liter.

Kerosin                                                   41.84                       USDct pa liter.

Gasòil                                                     75,63                       USDct pa liter.

LPG 100LBS                                           45,80                       USD pa silinder.

LPG 20LBS                                               9,52                       USD pa silinder.

Preis pa detayista

Mogas 95                                            124.00                         USDct pa liter.

Kerosin                                                  44.00                         USDct pa liter.

Gasòil                                                   80.00                         USDct pa liter.

LPG 100LBS                                         51,92                         USD pa silinder.

LPG 20LBS                                           11,03                         USD pa silinder.

Share This
error: Content is protected !!