KRALENDIJK – A parse ku tur partido ku tin di aber ku yegada di Covid -19 tabata bon prepará. A logra trese abitantenan den eksterior kas bèk, a bini ku medida i a pone hefe di Salubridat Públiko riba non aktivo.  A tira falta, akusá i detené un siudadano ku supuestamente a kousa plamamentu di e vírus. A tene enkuesta i e resultado a mustra ku e disponibilidat bou di spesialmente bonerianonan ta demasiado abou. A kuminsá na febrüari ku bakunashon i a usa personanan konosí den komunidat pa hasi propaganda pa bakunashon. A bini ku toke de keda . A kuminsá ku bakunashon na mas sitioi por bakuná sin traha sita, sin sédula i sin pasport. Gezaghèber a primintí ku na momentu ku alkansá 16 mil persona bakuná e lo bini ku algu. Ta bisto ku e kantidat di persona pa pasa e promé angua a baha. Pa alkansá e grupo di 4 mil persona ku falta, ta nesesario pa tur partido polítiko, komersio, sindikato, organisashonnan deportivo, médiko i iglesianan mustra kada siudadano riba su responsabilidat pa bakuná.Esnan ku ta hasi propaganda ku pa sierto motibu a bakuná lo ta bon pa drenta nan bario i motivá hende pa bai bakuná.  Ku shou personal nos no ta yuda e kousa. Si aseptá ku pa biaha mester di un prueba di bakunashon esnan sin prueba lo tin ku hinka man den saku hasi un tèst.

Arthur

Share This
error: Content is protected !!