Mas i mas prosèsferbal pa manehá sin reibeweis i seguro bálido
Entre djaluna 10 i djárason 12 di mei, durante di kòntròlnan di tráfiko rutinario na diferente sitio, a duna mas i mas shofùr but dor ku nan tabata kore sin faha di seguridat bistí, sin dokumentu di seguro bálido, sin reibeweis bálido, pa manehá sin hèlm bistí i pa uzo di telefòn bou di stür. Partikularmente pa kore sin rijbewijs i seguro bálido, mayoria biaha a duna but.
Durante kontrol di un di e vehíkulonan e shofùr a legitimá su mes ku un pasport Venezolano. Despues di investigashon a resultá ku e hòmber ta permanesiendo ilegalmente na Boneiru. A hib’e warda di polis i a pas’e ofer pa e departamentu di Asuntunan di Estranhero.
A duna un total di 23 prosès ferbal. A duna prosès ferbal pa e siguiente violashonnan:
5x manehá sin faha di seguridat bisti
7x manehá sin seguro
8x manehá sin reibeweis
2x uzo di telefòn bou di stür
1x manehá sin hèlm bistí
KPCN ta hala atenshon di un i tur pa nan tin e dokumentunan nesesario manera menshoná akiriba, na òrdu. Tambe ta konsehá estriktamente pa kumpli ku e reglanan di Lei di Tráfiko. Ku esaki bo tambe ta kontribuí na un tráfiko seif i sigur riba e isla. E periodo benidero lo bai tene kòntròl regularmente, kaminda lo aktua ku man duru na momentu ku no tin e dokumentunan menshoná ariba na òrdu i tambe si no ta kumpli ku reglanan di tráfiko.
Bo no ta kumpli ku reglanan? Bo por haña un but.
E suma di un but pa e violashonnan menshoná ta varia entre $30 te ku $225.
Kandela na ‘stonecrusher’
Riba djaluna 10 di mei sentral di polis a risibí notifikashon tokante un kandela na un ‘stonecrusher’ situá na Santa Clara. Na yegada di brantwer a resultá ku tabata kimando saku di semènt na momentu ku diripiente e kandela a sali for di man. Brantwer tabatin e kandela bou di kontrol rápidamente i a page. No tabatin herido.
Share This
error: Content is protected !!