Ladronisia for di porch di akomodashon turístiko
Entre 1 or di mardugá i 8 or di mainta riba djadumingu 16 mei, deskonosínan a bai ku entre otro, un reguladó i un djins den kua tabatin yabi di un outo di hür. E artíkulonan tabata riba e porch di e akomodashon turístiko. E kaso ta bou di investigashon.
Notifikashon tokante mucha ku a pèrdè tabata un wega
Riba djadumingu 16 mei, alrededor di 8 or di anochi sentral di polis a risibí notifikashon ku tabatin un mucha hòmber di 2 aña pèrdí for di mas o ménos 1 or di mèrdia na Rincon. Mesora polis, KMar i brantwer a ranka sali pa inisiá un búskeda. Algu mas lat a resultá ku tata di e mucha a bai kuné i no a bisa niun hende. A atendé di manera estrikto ku e hòmber riba e echo aki.
Ladronisia di bròmer
Riba djadumingu 16 di mei a drenta keho di ladronisia di un bròmer kolo blou, di marka Sherco, modèl 250 Trail. Deskonosínan a bai ku e bròmer for di un kas situá na Kaya Serafina. E kaso ta bou di investigashon.
Aksidente ku buriku ku a krusa kaminda
Riba djadumingu 16 di mei un patruya na warda a bin topa ku un aksidente ku a kaba tuma lugá riba Kaminda Tra’i Montaña. Un outo a dal den un buriku ku tabata krusando kaminda. E buriku a fayesé mesora. Shofùr di e outo no tabatin sla visibel pero personal di ambulans a kontrolá e tòg komo ku e ta na estado.
Bentana di patras di pikòp destruí
Riba djasabra 15 di mei a drenta keho di destrukshon. Deskonosínan a destruí e bentana di patras di un pikòp ku un piedra. E pikòp tabata stashoná den kura patras di un kas situá na Kaya Comanche. E destrukshon a tuma lugá entre 9 or di mainta i 3.30 or di atardi. Ta investigando e kaso.
A topa plachi di number hòrta riba un otro vehíkulo
Riba djabièrnè 14 di mei, doño di un plachi di number hòrta a rekonosé su plachi di number riba un otro outo. E outo tabata stashoná na un snek situá na Kaya Grandi. A detené shofùr di e outo di inisial R.L.F. di 2
Share This
error: Content is protected !!