Ta bèrdat ku a detektá e variante di Covid -19 Brazil i India na Kòrsou. Tur siman ta manda un kantidat di muestra pa RIVM pa nan detektá si ta variante nan otro tipo. Esun ku ta dominá mas tantu awor aki na Kòrsou ta esun Brítaniko. Ultimo muestra nan ku manda a bin aserka ku mayoria ta Brítaniko I 3 den nan tabata un otro variante. For di periodo entre 13 di april te ku 26 di april kual ta dos siman pasa i awor aki nos ta na 14 di mei i nos ta hopi mas ku 14 dia pasa te ku e hende nan korsernÍ a wordu saka for di isolashon kaba. Lokual nos a haña sa awor aki ta kos di dos siman pasá kaba. E ta tuma tempu pabo investigá i sa kua ta kua. Nos a manda 50 test I di e 50 nan por a detektá I saka afo ta kua variante. Serka 40 pa 41 test no ta tur bia ta logra saka afo, tin ora tin kos por bai fout pero di e 41 resultado ku a bin bek mayoria ta britaniko I e 3 resultado nan si no ta britaniko I for di e 3 nan un di nan ta variante di Brazil e P1. E otro ta e variante di India I e di tres ta parse esun di Colombia. E persona ku tabata tin e variante di Brazil tabata na Hulanda i e variante di Brazil ta plamá tur kaminda kaba I na Hulanda.

Share This
error: Content is protected !!