Kralendijk – Dia 18 di mei próksimo rònt mundu ta selebrá “Dia Internashonal di Museonan” .
Pa aña 2021 Internation Council Of Museums (ICOM) a stipulá komo tema pa Dia Internashonal di Museonan “Futuro di Museonan ta sinta den rekobrá i re- imaginá” .
Debí na reglanan vigente di COVID-19, SKAL–Museo Bonaire den koperashon ku otro museonan lokal lo selebrá “ Dia Internashonal di Museo 2021” na un manera adaptá. E aña aki SKAL–Museo Bonaire a uni forsa ku Fundashon Mangasina di Rei, pa huntu nos traha riba un dokumentashon general di Boneiru su tradishonnan kultural.
Durante grabashon dje dokumentashon a tene debidamente kuenta ku e tema ku ICOM a stipulá pa aña 2021 I a pone hopi atenshon riba “Traspaso di konosementunan históriko kultural di generashon pa generashon” alabes a duna realse na “Edukashon kultural”.
Ta transmití e dokumentashon aki mediante di medio visual NOS TV durante e periodo di 18 pa 21 di mei próksimo despues di e sorteo Wega di number Boneiru.
SKAL – Museo Bonaire ta konta ku huntu nos por sigui krea un sosiedat konsiente i preokupá ku desaroyo di nos historia i kultura den museo nan Boneriano.
Share This
error: Content is protected !!