Den e periodo tras di lomba vários señal a drenta di práktikanan froudulento di dunadó di krédito ‘online’ bou di e nòmbernan ‘Pacific Finance’ i ‘Global Investors’. E tipo di kompania falsu aki ta introdusí su mes komo instansia finansiero i ta ofresé fiansa barata via wèpsait, meil òf mensahe ‘online’.
Dor di ofresé interes abou i pone tiki eksigensia e ta mustra atraktivo pa tuma un fiansa serka e tipo di kompania falsu aki. E kompanianan eventualmente ta puntra informashon di identidat i ta hasi un òf mas petishon pa pasa sèn promé ku duna e fiansa. P’esei ta importante pa bo ta alerta na momentu ku bo ke tuma un fiansa. Na momentu ku bo ta duda, akudí na bo banko pa konseho i semper duna keho ora bo bira víktima di estafa.
E periodo benidero KPCN lo sigui duna informashon di forma aktivo tokante e tipo di krímennan ‘cyber’ aki.
Share This
error: Content is protected !!