ACE SQUAD LO PRESENTÁ DJASABRA AWO NA MISS TOURISM
Kralendijk, ​ACE Squad ta un grupo di baile nobo ku a keda lanta dia 20 di desèmber 2020 pa seis hoben ku hopi talento. Nos ta un grupo di hóben ku enfoke pa desaroya nos talentonan den aria di kultura, arte pero tambe ku enfoke riba e tereno di entretenimiento pa e pueblo Boneriano.
Mirando ku na Boneiru tin hopi hóben ku talento prinsipalmente den e aria di baile, nos di ACE Squad a tuma e desishon pa lanta nos propio grupo di baile.
Nos grupo ta konsisti di 6 miembro kual ta Zoë Bernardina, Davianka Obispo,
Amalie Melaan, Angelique Bautista, Joënny Molina i Eder Curiel.
Nos ta kai bou di Art Culture Education Foundation (ACE). Un fundashon ku tin komo meta promove Arte, Kultura i Edukashon na Boneiru via di proyektonan edukativo riba e tereno di músika, baile, teatro, arte plástiko, arte visual i muchu mas. E Direktor Artistiko Lilimar Valencia ta esun enkarga ku e proyektonan edukativo di e fundashon.
Nos prome presentashon ofisial lo ta djasabra awor 29 di mei 2021 den e sertamen di Miss Tourism Bonaire 2021. Nos ta enkarga pa baila huntu ku e kandidatanan den e apertura, trahe di baño i tambe nos lo presenta den “Show Time”.
Aktualmente nos ta forma parti di e tim di líder ku ta guía e muchanan di ACE Kids Club tur djasabra mainta den e area di baile. ACE Kids club ta un grupo di mucha entre 6 pa 12 aña ku tin algun luna kaba trahando riba diferente proyekto. Nos di ACE Squad tabata esnan enkarga pa train e muchanan e koreografia di nan lastu videoclip
“Mi kurason ta bati pa mama”.
Aparte di esei pronto boso lo por mira nos den e area di aktuashon huntu ku ACE Kids Club den otro proyekto ku nan ta trahando riba dje.
Pueblo di Boneiru keda pendiente pa mas di ACE Squad i pronto lo tin oudishon na kaminda.
Pa mas informashon por tuma kontakto via:
acesbonaire@gmail.com, acesquad.bq@gmail.com of na number di telefon
+5999 665 8177
Sigui nos riba nos página di instagram: ace_squadbq
Share This
error: Content is protected !!