3 GENERASHON TA BAI TOPA OTRO DEN E PIESA AKI (BOEIS, BENÒNI I LUPITA)

KRALENDIJK — Ultimamente studio di grabashon di artistpoint ta hopi sende. Den e kaso aki Timon Zoet tambe a graba kaba pa loke ta nan piesa ku tin ku bai sali pronto. Ritmiko Timon Krioyo ya no ta deskonosí aki na Boneiru. Nos a tuma nota di algun moveshon tambe pa ku e parti di produkshon di un piesa nobo ku ta pinta di bai bira un hit. Ta trata aki di un piesa krioyo ku ta existi kaba i Ritmiko Timon Krioyo lo bai hinka esaki den un bachi nobo ku nan mes sous i dulsura zoet zoet.
Ta trata di un piesa ku Boeis a kanta den pasado ku Tipiko Boneriano. Nos a kompronde ku riba e piesa aki generashon ta bai topa generashon i lo bai bira 3 kantante den e piesa aki kual ta: Boeis, Tico “Benòni” Balentien i tambe yu muhe di Boeis kariñosamente yamá Lupita.
Pa e piesa aki lo por spera un videoclip tambe ku lo bai wordu grabá den wikènt di 8 di yüni. Nos a kompronde tambe ku djasabra awo e nomber Ritmiko Timon Krioyo lo pasa pa historia i lo bini un era nobo i naturalmente nomber nobo ku ya ta konosi kaba kual ta “Timon Zoet”
Nos ta sigui mantene e pueblo i nos siguidonan altanto di loke ta pasando den farandula aki na Boneiru

FUENTE: LIVE 99 FM

Share This
error: Content is protected !!