Den siman di 14 di yüni NWO (Organisashon Hulandes pa investigashon sientífiko) lo organisá promé edishon di e Siman di Siensia Karibense. NWO ta e instansia ku ta selektá i finansiá proyektonan di investigashon sientífiko pa ministerio di OCW (Enseñansa, Kultura i Siensia), tantu pa Hulanda Europeo komo pa e islanan Karibense.
Djaluna durante un apertura interaktivo online lo presentá e investigashonnan ku NWO a honrá resientemente. Djamars investigadónan lo kombersá ku alumnonan di skol tokante siensia i investigashon. Esaki lo ta e úniko seshon offline, pa kua no ta posibel pa registrá.
Djárason lo tin un debate online tokante futuro di investigashon Karibense. Na e okashon ei tambe lo presentá un rapòrt di investigashon Karibense na Minister demishonario Van Engelshoven di OCW.
Lo sera e programa di Siman di Siensia Karibense riba djaweps i djabièrnè, ku un simposio sientífiko. E evento aki lo inkluí entre otro presentashonnan plenario di proyektonan sientífiko, presentashon di poster, pitch i komponentenan sosial ku oportunidat pa “nètwèrk” i “spactial chat”. Pa motibu di e diferensiá di tempu, e seshonnan lo kuminsá 08:15 di mainta pa e islanan Karibense (14:15 or na Hulanda Europeo). Riba e wèpsait di NWO partisipantenan pa kada dia por registrá pa e diferente seshonnan.
Pa mas informashon i registrashon
Pa mas informashon òf pa registrá, por fabor bishitá
E periodo pa bo por registrá lo sera despues di djaweps, 10 di yüni.
Share This
error: Content is protected !!