KRALENDIJK – Pasahero nan ku mester hasi e tèst antigéniko pa nan biahe pa Boneiru, por registrá online pa hasi e tèst na yegada na aeropuerto. Biaheronan por registrá riba www.bonairesafetravel.org. Dentro di poko tin un app tambe ku biaheronan por usa pa hasi petishon pa e tèst antigéniko.
For di 1 di yüni 2021 pasahero nan por hasi e test antigéniko na yegada na Flamingo Airport. Esaki ta atraktivo pa por ehèmpel pasa heronan hulandes I merikano. Ta konsiderá Hulanda I Merka komo pais di riesgo hopi haltu. Tur biahero for di pais di riesgo haltu ku no a laga hasi un tèst di PCR/NAAT 24 ora promé ku salida, mesterhasi e tèstantigéniko na yegada na Boneiru. Pa pasahero nan for di Merka tabata difísil pa hasi e test antigéniko dentro di e tempu stipulá promé ku salida pa Boneiru.
For di 1 di yüni 2021 buelo direkto for di Merka ta possible atrobe. Djasabra e promé dos buelonan for di Merka ta yega. Hestia I BonLab ta trahahuntu pa test pasahero nan ku ta yega na aeropuerto. Siman pasá djabièrnè e dos kompanianan a hasi un prueba eksitoso na Marriott Hotel. E dos kompania nan ta verwagt di tèst 250 pasahero den mei ora.
Share This
error: Content is protected !!