KRALENDIJK – Pa motibu di e tiki kasonan di COVID-19 na Boneiru, uso di test kubo mes por hasi no tin sentido na nos isla. Esaki departamento di Salubridat Públiko ta duna di konosé. Tèst kubo mes por hasi ta útilora un kaminda tin masha hopi infekshon. Den un situashon asina, por ehèmpelo rganisadó di un evento por skohe pa test ku hende nan mes por hasi, pa sa si ta konsehabel pa laga e aktividat sigui. E ora ei ta usa e tèstnan pa prepará un evento. Despues ku hende nan hasi tèst e aktividat por sigui.
Un test kubo mes por hasi ta algu di e momentu ei. Si e resultado ta negativo, esei ta bisa solamente algu di e dia ei, pero nada tokante e dianan despues. Den kaso di test kubo mes por hasi, por sosodé tambe ku e resultado ta negativo, miéntras tòg e persona ta infektá. Tin un riesgo na dje pues. Un hende ta pensa ku e ta seif, pero esei no ta asina. E persona ei por pega otronan. Ta sosodé tambe ku e resultado di tèst ta positivo, miéntras e persona no ta infektá. Den un kaso asina solamente un test apropiá por duna un resultado korekto.
Departamento di Salubridat Públiko ta konsehá hende nan ku ta hasi uso di e test kubo mes por hasi i a test positivo, pa mèldu nan mesna 0800 0800 pa hasi un tèst di PCR. E personan mester bai den isolashon te ora resultado di e tèst di PCR ta konosí.
Share This
error: Content is protected !!