OUTO TA DAL DEN BURIKU

Riba djamars 8 di yüni, alrededor di 10.20 or di anochi, un aksidente a tumalugá riba Bulevar E.E.G. den besindario di aeropuerto. Probablemente e shofùr a dal den un buriku. Ambulans a transportá e shofùr pa hospital pa tratamentu médiko.

 

KIEBRO NA KAYA ORO

Entre 7 or di mainta i 12.30 or di mèrdia, riba djamars 8 di yüni, deskonosínan a bai ku entre otro, un urna di forma di kurason, un seif ku kontenido, kuater pasport, dos tarheta di banko, un credit card, un buki di lòg i yabi reserva di un outo. Ta investigando e kaso.

 

A HAÑA STUDIANTE KU SUPSTANSIA PARESIDO NA MARIWANA

Riba djaluna 7 di yüni, sentral di polis a haña notifikashon ku a haña un studiante ku un supstansia paresido na mariwana na e skol sekundario situá na Kaya Frater Odulfinus. A bai ku e mucha hòmber di 16 aña warda di polis kaminda a papia di manera estrikto kunédespues di kua e por a bai kas. A destruí e supstansia.

 

LADRONISIA FOR DI AKOMODASHON TURÍSTIKO

For di kamber di hotèl di un akomodashon turístikosituá na Kaya Saturnus, deskonosínan a bai ku sènkèsh riba djadumingu 6 di yüni. E kaso ta bou di investigashon.

 

AINDA BASTA PROSÈSFERBAL PA MANEHÁ SIN FAHA DI SEGURIDAT BISTI
Durante un kòntròl di tráfiko na Kaya Korona riba djaweps 3 di yüni, a kontrolá 18 vehíkulo durante kua tres shofùr a risibí un prosèsferbal. Dos shofùr a haña prosèsferbal komo ku nan no por a mustra dokumentunan di seguro bálido i un shofùr a haña prosèsferbal komo ku e no por a mustra un reibeweis bálido.

FAHA DI SEGURIDAT

Bisti bo faha pa bo mes seguridat. Un faha di seguridat ta protehá okupante di un outo durante di un aksidente. Dor di uza e faha e persona protehá ta keda sinta riba su stul, no tin e posibilidat pa dal su kabes den winshil i no ta keda bentá den e outo p’aki p’aya. Dor di bisti bo faha di seguridat bo chèns di tin un aksidente mortal ta baha ku 30 pa 40%. Tambe patras den outo bo tin 20% ménos chèns di keda herida seriamente ora bo tin bo faha bistí.

 

Bo no ta kumpli ku reglanan? Bo por haña un but.

Share This
error: Content is protected !!