APARTE LADRONISIA NA SITIONAN DI BUSEO, HOPI KASO DI LADRONISIA NA BOTO NAN

KRALENDIJK — Ultimo tempu malechornan ta hopi aktivo ku diferente kiebro na kas, hotelnan, sitio di buseo i tambe awo den boto nan stashoná. Den ultimo 2 simannan tras di lomba tabata rekòrt na momentu ku mas ku 5 boto stashoná na e slipway pega ku Marriot a ser bishitá pa malechornan. Diferente kos nan a wòrdu hòrta manera bateria di boto, motor di boto i diferente artefakto nan ku tin den boto nan poné. Sigur algu di lamentá, mirando ku piskadó nan ta lucha inkansablemente pa pone pan riba mesa i malechornan ta yega i hòrta motor, bateria etc for di nan boto. Ban spera ku e malechornan aki stop ku e aktonan aki i tene man na kurason pa kada persona ku ta traha duru pa yega na nan boto.
Diparti polis i kmar tambe lo ta bon pa tira kòntròl na e sitio nan aki mas frekuente den ora nan di anochi bai kue marduga.
Tin piskado a bisa kaba ku si sigui asina aki ku nada nota wordu hasi nan mes lo tuma lei den nan man paso no por sigui soportá mas.

FUENTE: LIVE 99 FM

Share This
error: Content is protected !!