Kralendijk,- E grupo di baile ACE Squad ku resientemente a hasi nan debut na e prestigioso
sertamen di Miss Tourism Bonaire ke bai amplia nan konstelashon ku algun baliado mas.
Esaki ta despues di e tantisimo bon reakshon ku nan a risibi di komunidat di Boneiru.
E hobennan a ekspresa di ta hopi kontentu i gradesido pa e bon palabranan di motivashon ku
nan a risibi. Esaki a pone ku nan ke duna mas hoben ku ta amante di baile e chens pa por join
ACE Squad. Pa e motibu ei nan ta bai organisa un oudishon. Un oudishon ta un forma pa buska
miembro nobo pa e grupo.
Nan lo bai hasi oudishon pa asina skohe e hobennan ku mas ta klop ku e Squad su estilo.
Pa por partisipa na e oudishon bo mester:
1. Por balia
2. Gusta balia
3. Tin gana di presenta dilanti publiko i kamara
4. Tin un bon disciplina.
5. Ta spera ku lo bo ta kompromete ku e grupo.
E grupo ta train dos biaha pa siman i tin biaha ta train mas tantu, ora ku nan haña petishon pa
un presentashon speshal ku ta rekeri mas dia di training.
Banda di balia ACE Squad ta bai hasi mas tambe rondo di aktuashon i musika.
Pues bo mester ta habri pa por partisipa den mas aktividat ku ta balia so.
Un invitashon ta bai na tur hoben ku ta entre 12 pa 20 aña pa partisipa na e oudishon ku lo
tuma luga dia 10 di july di 4or pa 8or di anochi. E oudishon ta tuma luga na Kristu Bon
Wardador na Nikiboko. Ta importante pa bo inskribi via di e link den nos bio di instagram of via
di nos facebook page ”ace squad” of tambe por manda un mail na acesquad.bq@gmail.com i
pidi pa e link pa asina bo por inskribí. Pa mas informashon por jama Direktor Artistiko di e grupo
Lilimar Valencia na +5999 6658177.

Share This
error: Content is protected !!