BARIO TERA CORA TA LUSI KU 2 FÈLT KU YERBA ARTIFISIAL NOBO NOBO.

Kralendijk — Awe e sekretario di estado Paul Blokhuis a entrega e bunita proyekto aki di e fèlt di ATC. Ta trata aki di un fèlt ku pa basta aña tabata di tera i ku diferente futbolista a hasi deporte riba e fèlt aki. Awe e bario di Tera Kòra por ta kontentu ku e fèlt aki a haña yerba artifisial i un touchup kompletu na e fèlt aki. Esaki ta sigui brinda e posibilidat pa diferente mucha, hoben i adulto por praktika e deporte ku mas nan stima. Representante nan di KNVB tambe tabata tei na e fèlt na momentu ku a hasi entrega di e fèlt. Direktiva di ATC ta sumamente kontentu ku e fèlt aki i lo hasi tur loke ta na nan alkanse pa yuda mantene e fèlt aki. Èks hungado di e selekshon di Hulanda Aaron Winter tambe tabata tei na e fèlt komo ambasador di KNVB.
Boneiru ta sigui desaroyá ku fèlt nan nobo i ban spera ku mas mucha i hoben nan haña smak pa praktika e deporte aki.

FUENTE: LIVE 99 FM

 

 

Share This
error: Content is protected !!