Kralendijk – Último dianan e sifranan di infekshon a subi. Ta trata un grupo di hóben di Boneiru ku a tèst positivo, huntu ku un grupo di hende grandi ku no a bakuná. Mayoria di e personanan aki no tin keho òf tin keho leve. Nan a tèst paso nan tabata den karentena pa motibu ku tabata den kontakto ku un persona ku a tèst positivo.

Di e manera aki departamentu di Salubridat Públiko por wak lihé e gruponan di hende ku a pega ku e vírùs. Ta posibel ku den dianan benidero mas hende por tèst positivo. Esaki ta tené na bista.

Pa evitá e gruponan di infekshon aki ta hopi importante pa mas tantu hende posibel tuma e angua kontra e vírùs di COVID-19. E kontagio por plama ménos lihé i hendenan tin ménos chèns di bira hopi malu. E klùster aki ta mustra e importansia pa mas tantu hende bakuna, spesialmente hóben. Mañan, riba 17 di yüni por pasa sin sita na sentro deportivo Jorge Nicolaas entre 9’or di mainta te ku 2’or di atardi pa pasa angua kontra corona. Pa mas informashon tokante bakunashon por yama 0800 0900.

 

Share This
error: Content is protected !!