HÒMBER DETENÉ PA MALTRATO

Riba djamars 15 di yüni a detené un hòmber di inisial D.E.M. di 26 aña en konekshon ku maltrato ku un arma. E sospechoso a dal un mucha hòmber ku un stul riba su kabes. E víktima a bai fo’i dje i a ser herida na su kabes, man- i pianan.

 

DETENSHON PA LADRONISIA

Riba djamars 15 di yüni a detené un dama di inisial D.A.D.St.J. di 25 aña pa ladronisia. E ta sospecha di  ladronisia den kaso di ladronisia ku a tuma lugá riba djadumingu 6 di yüni 2021 na un akomodashon turístiko.

Den oranan di mardugá djadumingu 13 di yüni a detené un mucha hòmber di 15 aña, di inisialJ.K.R.H., en konekshon ku ladronisia. E tabata huntu ku un grupo di 6 hende hòmber ku a bai ku dos tas di e víktima. A duna un di e tasnan bek. Ta investigando e kaso.

 

LADRONISIA NA SITIO DI SAMBUYÁ

Riba djamars 15 di yünideskonosínan a bai ku dos tas pretu ku komo kontenido entre otro un kámara di marka Fuji i su komponentenan. E tasnan tabata den un outo ku no tabata lòk i abai ku nan entre 8.30 or i 10 or di mainta. E kaso ta bou di investigashon.

 

DAMA TA KAI FOR DI SKUTER

Riba djaluna 14 di yüni sentral di polis a risibí notifikashon tokante un dama ku pa motibu deskonosí a kai for diun skuter. Personal di ambulans a chek e na e sitio mes i e no mester a bai hospital.

 

AKSIDENTE RIBA DE KAYA IR. R. STATIUS VAN EPS

Alrededor di 10.15 or di anochi riba djadumingu 13 di yüni, un aksidente a tuma lugá riba de Kaya Ir. R. Statius van Eps. Pa motibunan deskonosí un outo a bòltu. Kuater persona tabata levemente herida di kua dos di nan mester a bai hospital ku ambulans pa tratamentu médiko.

A BAI KU PIKÒP FOR  DI DEN KURA

Riba djadumingu 13 di yüni a drenta keho di ladronisia di un pikòpblanku di marka Toyota, modèl Hilux, numerá V-5954. E pikòp tabata stashoná den kura di un kas situá na Kaya Mandolin  i no tabata na lòk. E yabinan tambe  tabata den e outo. Den e pikòptabatin tambe un telefòn kolo kòrá di marka Samsung, modèl A20, un sédula, un reibeweis, papelnan di seguro i un karchi di bakunashon. Ta investigando ekaso.

LADRONISIA DI BAISKEL

Entre 3 or di atardi i 8.30 or di anochi di djadumingu 13 di yüni, deskonosínan a bai ku un baiskel bèrdè di marka BMX for di un kas situá na Kaya Trupial. E nòmber di e doño ta pone na dos lugá riba e baiskel riba steker kolo oraño. E kaso ta bou di investigashon.

 

HÒMBER HERIDA DEN KASO DI HINKAMENTU

Riba djabièrnè 11 di yüni un hòmber a keda herida den un kaso di hinkamentu na un snek situá na Kaya dr. J.G. Hernandez. A detené un hòmber di inisial Y.V.N. di 42 aña en konekshon ku intento di asesinato i maltrato.

 

KÒNTRÒL DI TRÁFIKO PREVENTIVO PLANIÁ

Riba djabièrnè 11 di yüni a tene un kòntròl di tráfiko preventivo planiá na Kaya J.N.E. Craane, Kaya C.E.B. Hellmund i na Kaya Grandi. E kòntròl tabata dirigí riba outo ku ta kousa molèster di zonido dor di muzik i bròmer ku ta kousa molèster di zonido sin nodi. A kontrolá tambe segun e lei di tráfiko.

 

Durante di e kòntròl a duna diferente prosèsferbal:

4x pa kore sin hèlm bistí;

1x pa hasi yamada miéntras ta stür;

1x pa manehá sin reibeweis;

2x pa manehá sin faha di seguridat bistí;

1x pa manehá bou di influensia di bebida alkohóliko;

1x pa molèster sin nodi di un bròmer

 

Mas aleu a konfiská un baiskel i un bròmer.

LADRONISIA RIBA BICH

Riba djabièrnè 11 di yüni a drenta keho di ladronisia di un tas di bich ku kontenido for di un bich situá na Bulevar E.E.G. entre 12 or i 12.30 or di mèrdiadeskonosínan a bai ku a tas di bich miéntras e doñonan tabata snòrkel. E kaso ta bou di investigashon.

Share This
error: Content is protected !!