KRALENDIJK – Boneiru, un di e tres islanan di Hulanda Karibense, ta un isla chitiku di 288 km² den Karibe rondoná di awa  kristalino i riku na naturalesa virgen i ref sano. Nos isla tin un poblashon kresiente di 21.745 habitante for di rònt mundu ku diferente kultura i nashonalidat.Un di e retonan importante ku Selibon N.V. ta aportando na dje ta pa eduká nos hendenan kuminsando na nos hubentut, den nos sírkulo di trabou i tambe na nos skol- i negoshinan pa konsientisá pueblo di Boneiru tokante un medio ambiente mas sostenibel i balansá.

Kolekshon, separashon i resiklahe di sushi ta esensial i ta trese un mihó kalidat di bida pa nos generashon awor i den futuro. Shushi ku ta drenta e sentro di separashon di shushi na Lagun pa keda depositái derá ta prosedente di shushi doméstiko: shushi di kas den kònteiner bèrdè. E porsentahe di shushi ku nos ta dera ta bahando, loke ta algu positivo. Na aña 2020 esaki tabata 80%.

Tin shushi tambe ku ta drenta e sentro di separashon di shushi na Lagun kunos ta separá pa resiklahe  òf  warda pa prosesá despues. Mayoria di shushi separá ku ta drenta nos instalashon na Lagun, konosí komo lèntfel, ta karton, plèstik i glas. Na aña 2020 a kolektá un total di 800 tòn di glas, 119 tòn di plèstik i 1250 tòn di karton.

Entrante 1 di yüli 2021 Selibon N.V.  ta kuminsá ku un kampaña di separashon di shushi na nos bichnan públiko. Hendenan ta depositá tur sorto di shushi den e konteinernan ku tin aktualmente na bich, inkluyendo glas, plèstik, karton i asta karbon.  Ora depositá karbon den kònteiner di plèstik, esaki por forma kandela loke ta un peliger pa hende i medio ambiente.

Ta bai remplasá e kònteinernan blou ku tin aktualmente pa kònteiner bèrdè pa restu di shushi, kònteiner hel pa glas i kònteiner blou pa karton pa separashon di shushi na nos bichnan públiko. E kònteinernan shinishi di heru ta keda pa karbon. Selibon ke konsientisá bishitantenan lokal i turistanan ku ta bishitá nos bichnan públiko pa separá nan shushi na un manera adekuá i responsabel. Asina’ki nos ta aportá na e reto pa un medio ambiente sano i bich limpi.

Tur esaki lo yuda redusí e riesgonan pa nos medio ambiente i pa salubridat di nos poblashon iasina alabes tapromové higiena i kalidat. Vishon di Selibon N.V. ta pa na aña 2024 deposita 60% ménos shushi pa dera na nos lèntfel. Nos ta sigui buska un bida sekundario pa e fluho di residuo pa asina’ki nos por kumpli ku e vishon di ekonomia sirkular di nos isla.

Share This
error: Content is protected !!