KRALENDIJK—Klínika i introdukshon di e deporte di Rugby aki na Boneiru djadumingu último 7or anochi na Fèlt Elion Flores, tabata bon bishitá, enorme interes pa e deporte aki ku ta unu nobo riba nos isla.Basta tabata esnan ku a hasi akto di presensia demostrando ku e interes ta grandi pa siña hunga i hunga den torneo nan i kampionato di nos isla, formando parti di un di e ekipo nan ku lo lanta pronto afiliando nan mes na e federashon boneriano di Rugby.Por menshoná ku promé ku e introdukshon di e deporte aki djadumingu último, ya tabatin komo 27 miembro di e federashon ku a inskribí pa e deporte aki. No tin duda ku despues di esaki, e miembro nan sigur lo a bira muchu mas mirando e interes pa esaki.

E anochi di introdukshon i klínika pa esnan ku no konosé e deporte aki i tambe esnan ku konosé esaki, a inisiá 7or anochi ku e diferente diskursonan di entre otro sr. Varley Felipa, siguí pa e palabranan di introdukshon di Ghrislaine Makaai, tambe e diferente “coach”nan ku ta Monica Goodijk, Luis i Marco.

Nan tur a guia e promé enkuentro aki pa sera konosí kue deporte di Rugby aki na Boneiru, di kuana final a sera esaki ku wega nan di treinen entre esnan presente. E interes sigurta grandi pa e deporte aki. Riba potrèt nan algun bisa di e promé enkuentro ku tabata unu di introdukshon di e deporte di Rugby aki riba nos isla.

 

Share This
error: Content is protected !!