KRALENDIJK – E siman aki e promé kuater gruponan, ku un total di 50 trahadó di akohida pa mucha na Boneiru, a kuminsá ku e treinen di ‘Eerste Hulp’ pa mucha, den kuadro di e programa BES(t) 4 kids. E aña aki ta trein trahadó di tur organisashon di akohida pa mucha na Boneiru, pa garantisá ku na kada un alokashon di akohida pa mucha tin por lo ménos 1 adulto presente ku tin un diploma di EHBO pa mucha. Esaki ta un di e kriterionan di kalidat den kuadro di e programa BES(t) 4 kids, ku ke sòru pa akohida di mucha bon, seif i pagabel den Hulanda Karibense. A organisá e treinen di EHBO ku lo tuma lugá mas bia e aña aki, bou di guia di Sentro Hubentut i Famia.

Share This
error: Content is protected !!