For di departamentu di servisio na kliente di WEB Bonaire a sali un rekordatorio pa un montante di
$0.01 sèn. WEB ta komprondé ku esaki a kousa molèster pa ku kliente i nos ta pidi nos diskulpa pa ku esaki.
Tur luna, WEB mester manda míles di rekordatorio ( aanmaning ) pa klientenan ku hasi nan pago lat. E rekordatorio ta ser generá den un proseso
outomatisá ( batch process). Esaki ta ser revisá dor di empleadonan di departamentu di servisio na kliente. E rekordatorionan ku un suma ménos
di $5 normalmente ta wòrdu saka afó, promé ku manda esakinan. Desafortunadamente den e batch di fin di mei último, no a tuma nota di e
rekordatorio di un sèn ariba menshoná. Un eror humano i pa tal motibu WEB ta pidi diskulpa na tur su klientenan pa loke a sosodé.

Share This
error: Content is protected !!