Sentro hubentut i Famia(SHIF) a selebrá dia di tata na Mangazina di rei huntu ku e gruponan di hende hòmber “Men on the Move” i Nos ku Nos.

Shif ta spera ku tur nos tatanan tabata tin un dia plasentero.

 

Durante e selebrashon aki señora Sharine Dorand di Shif a anunsiá ku for di dia 1 yuli e sentro lo kuminsá ku enkuentronan informativo speshal pa hende hòmber.

E temanan ku lo ser tratá ta kasamentu, divorsio, separashon, biba huntu, rekonosementu di yu, ròl di tata, tata di kriansa, heredero i herensia.

 

E meta ta pa logra señalá i atendé ku problemanan mas trempan. Pa asina por duna e hende hòmber tambe yudansa trempan i na midí pa asina prevení eskalashon o situashon problemátiko mas kompliká. E intenshon ta pa drenta tantu empresanan komo lokalidatnan di bario pa bario pa organisá enkuentro informativo pa nos komunidat prinsipalmente esun maskulino.

Esaki SHIF lo hasi ku koperashon di abogadonan señora Marga van Lieshout, señor nan Anthony Nicolaas i Edward Winkel.

 

Shif ta invitá hende hòmbernan pa hasi uso di e oportunidatnan aki pa risibí klaridat riba kualke pregunta o inkietut ku nan tin riba e temanan ariba menshoná.

E lema di “Men on the move” ta dJoin nos of nos ta dJoin bo kaminda bo ta!

 

 

Share This
error: Content is protected !!